Cxifro: Jes?
Trinitato: Cxu cxio enordas?
Cxifro: Vi ne devis anstatauxi min.
Trinitato: Mi scias, sed mi emis skipon.
Cxifro: Vi sxatas lin, cxu ne? Vi sxatas rigardi lin.
Trinitato: Ne estu ridiga.
Cxifro: Ni mortigos lin. Cxu vi komprenas?
Trinitato: Morfeo kredas lin Tiu.
Cxifro: Kaj vi?
Trinitato: Ne gravas kion kredas mi.
Cxifro: Vi ne kredas, cxu?
Trinitato: Cxu vi auxdis tion?
Cxifro: Auxdis kion?
Trinitato: Cxu vi certas ke tiu lineo puras?
Cxifro: Jes, kompreneble mi certas.
Trinitato: Mi foriru nun.
Policano: Halt! Polico!
Policano: Manojn sur la kapon! Ek! Tuj!
Smith: Leuxtenanto.
Leuxtenanto: Ho, fek'.
Smith: Leuxtenanto, vi ricevis precizajn ordonojn.
Leuxtenanto: He, mi nur faras mian laboron. Se vi ofertas tiun acxon pri rajtigo,
vi tuj sxtopu gxin en vian pugon.
Smith: La ordonoj estis por protekti vin.
Leuxtenanto: Ha, ha. Mi pensas ke ni povas trakti unu knabineton.
Leuxtenanto: Mi sendis du grupojn. Ili tuj portos sxin malsupren.
Smith: Ne, leuxtenanto, viaj homoj estas jam mortaj.
Trinitato: Fek'.
Trinitato: Morfeo, ili retrolauxis la lineon. Mi ne scias kiel.
Morfeo: Mi scias. Ili trancxis la cxeflineon. Ne restas tempo. Vi devas iri al
alia elirejo.
Trinitato: Cxu estas Agentoj?
Morfeo: Jes.
Trinitato: Fidamne.
Morfeo: Fokusu, Trinitato. Estas telefono cxe Wells kaj Lake. Vi povas sukcesi.
Trinitato: Bone.
Morfeo: Ek.
Policano: Tio maleblas.
Trinitato: Staru, Trinitato. Ekstaru. Staru.
Brown: Sxi eliris.
Smith: Ne gravas.
Jones: La informanto veras.
Smith: Jes.
Jones: Ni havas la nomon de ilia sekva celo.
Brown: La nomo estas Neo.
Smith: Ni bezonos procedigi sercxon.
Jones: Jam procedas.
Komputilo: Vekigxu, Neo...
Neo: Ki?
Komputilo: La Matrico havas vin...
Neo: Kio diable?
Komputilo: Sekvu la blankan kuniklon.
Neo: "Sekvu la blankan kuniklon."
Komputilo: Frap, frap, Neo.
Neo: Kiu estas?
Cxoj: Estas Cxoj.
Neo: Jes, jes.
Neo: Vi malfruas du horojn.
Cxoj: Mi scias. Estas sxia kulpo.
Neo: Cxu vi havas la monon?
Cxoj: Du granduloj.
Neo: Atendu.
Cxoj: Haleluja. Vi estas mia savanto. Mia tute propra
Jesuo Kristo.
Neo: Se vi kaptigxas uzante tion...
Cxoj: Mi scias. Tio cxi neniam okazis. Vi ne ekzistas.
Neo: Gxuste.
Cxoj: Cxu io malgxustas? Vi aspektas iom pli blanka
ol kutime.
Neo: Mia komputilo, gxi... Cxu vi iam sentis vin malcerta cxu vi jam vekigxis
aux ankoraux songxas?
Cxoj: Dauxre. Gxi nomigxas meskalino. La ununura maniero
flugi. Hej, sxajnas al mi ke vi bezonas elkonektigxi. Cxu iom da malstrecxo?
Kion vi pensas, Dujxuro? Cxu ni prenu lin kun ni?
Dujxuro: Nepre.
Neo: Ne, mi ne povas. Mi laboros morgaux.
Dujxuro: Bonvolu. Estos amuze. Mi promesas.
Neo: Jes. Certe. Mi venas.
Trinitato: Saluton, Neo.
Neo: Kiel vi eksciis tiun nomon?
Trinitato: Mi multe scias pri vi.
Neo: Kiu vi estas?
Trinitato: Mia nomo estas Trinitato.
Neo: Trinitato. Cxu _la_ Trinitato? Kiu enrompis en la impostan datumbazon?
Trinitato: Tio estis antaux longa tempo.
Neo: Ho ve.
Trinitato: Kio?
Neo: Mi cxiam pensis ke vi estas icxo.
Trinitato: Icxoj pensas tion.
Neo: Estis vi cxe mia komputilo. Kiel vi faris tion?
Trinitato: Nun mi nur povas diri al vi ke vi estas en dangxero. Mi portis vin
cxi tien por averti vin.
Neo: Pri kio?
Trinitato: Ili observas vin, Neo.
Neo: Kiu?
Trinitato: Bonvolu nur auxskulti.
Trinitato: Mi scias kial vi estas cxi tie, Neo. Mi
scias kion vi faradis. Mi scias kial vi malmultege dormas, kial vi vivas sola
kaj kial vi, nokton post nokto, sidadas cxe via komputilo. Vi sercxas lin. Mi
scias tion, cxar iam ankaux mi same sercxis. Kaj, kiam li trovis min, li diris
al mi ke mi ne vere sercxadis lin, mi sercxadis respondon. Estas la demando,
kiu nin pelas. Estas la demando, kiu portis vin tien cxi. Vi scias la demandon
same kiel mi sciis.
Neo: Kio estas la Matrico?
Trinitato: La demando estas ie ekstere, Neo. Gxi sercxadas vin, Neo. Kaj gxi trovos
vin, se vi volas tion.
Neo: Ho, fek'. Ho, fek', fek'.
Rhineheart: Vi havas problemon pri auxtoritato, S-ro Anderson. Vi kredas vin speciala,
ke iel la reguloj ne aplikigxas al vi. Evidente vi eraras. Cxi tiu kompanio estas
unu el la plej altrangaj softvaraj kompanioj en la mondo, cxar cxiu dungato komprenas
sin parto de tutajxo. Tial, se dungato havas problemon, la kompanio havas problemon.
Venis la tempo por fari decidon, S-ro Anderson. Aux vi decidas esti cxe via skribotablo
akurate ekde tiu tago, aux vi decidas sercxi por vi alian laboron. Cxu mi klare
esprimis min?
Neo: Jes, S-ro Rhineheart. Perfekte klare.
Kuriero: Thomas Anderson?
Neo: Jes, estas mi.
Kuriero: Bonege.
Kuriero: Bonan tagon.
Morfeo: Saluton, Neo. Cxu vi scias kiu parolas?
Neo: Morfeo.
Morfeo: Jes. Mi sercxadis vin, Neo. Mi ne scias cxu
vi pretas vidi kion mi volas montri al vi. Sed malbonsxance vi kaj mi ne plu
havas tempon. Ili venas por vi, Neo, kaj mi ne scias kion ili intencas.
Neo: Kiu venas por mi?
Morfeo: Ekstaru, kaj vidu mem.
Neo: Kio? Cxu gxuste nun?
Morfeo: Jes. Nun. Malrapide. La lifto.
Neo: Ho, fek'!
Morfeo: Jes.
Neo: Kion diable ili volas de mi?
Morfeo: Mi ne scias, sed se vi ne volas malkovri, mi sugestas ke vi foriru de
tie.
Neo: Kiel?
Morfeo: Mi povas gvidi vin, sed vi devas lauxi ekzakte mian diron.
Neo: O kej.
Morfeo: La kabino kontraux vi liberas.
Neo: Sed, se ili--
Morfeo: Ek. Nun.
Morfeo: Restu cxi tie por momento.
Morfeo: Kiam mi diras al vi, vi iru al la fino de la koridoro al la oficejo cxe
la fino de la halo. Iru plej inkline.
Morfeo: Ek. Nun.
Morfeo: Bone. Nun, ekstere estas skafaldo.
Neo: Kiel vi scias cxion cxi?
Morfeo: Ni ne havas tempon, Neo. Maldekstre de vi estas fenestro. Iru al gxi.
Malfermu gxin. Pere de la skafaldo vi atingos la tegmenton.
Neo: Neniel! Neniel! Tio frenezas!
Morfeo: Estas du ebloj eliri la konstruajxon. La unu estas la skafaldo. La alia
estas ilia aresto. Vi riskos ambauxkaze. Mi lasas la decidon al vi.
Neo: Tio estas frenezajxo. Kial tio okazas al mi? Kion mi faris? Mi estas neniu.
Mi ne faris ion ajn. Mi nun mortos.
Neo: Fek'.
Neo: Ho, fek'.
Neo: Mi ne povas fari tion.
Trinitato: Fek'.
Smith: Vi vidas, ni havadis okulon por vi de iom da
tempo, S-ro Anderson. Sxajnas ke vi vivadis du vivojn. En la unu vivo vi estas
Thomas A. Anderson, programisto por respektinda softvara kompanio. Vi havas
asekuracian matrikulon. Vi pagas viajn impostojn. Kaj vi helpas vian luigantinon
elporti la rubon. La alia vivo estas vivata en komputiloj, kie vi sub la pseuxdonimo
"Neo" kulpigxis je cxiu komputila krimo, por kiu ni havas legxon.
Unu de tiuj vivoj havas futuron. La alia ne. Mi estos laux miaj ebloj plej sincera
al vi, S-ro Anderson. Vi estas cxi tie, cxar ni bezonas vian helpon. Ni scias
ke vin kontaktis certa individuo. Viro, kiu sin nomas "Morfeo". Kion
ajn vi pensas pri tiu homo estas nekonsiderinda. Multaj auxtoritatoj lin konsideras
la plej dangxera homo vivanta. Miaj kolegoj kredas ke mi estas malsxparanta
mian tempon kun vi. Sed mi kredas vian deziron fari la gxuston. Ni pretas forgesi
la pasintecon por ebligi al vi rekomencon. Cxio, kion ni kontrauxpetas, estas
via kunlaboremo por ekstradicii teroriston al tribunalo.
Neo: Jes, tio sxajnas ege bona interkonsento. Sed
mi pensas ke mi havas pli bonan. Kiel estus, se mi donas al vi tiun fingron,
kaj vi donas al mi telefonon?
Smith: S-ro Anderson, vi seniluziigas min.
Neo: Vi ne timigas min per viaj fi-gestapajxoj. Mi konas miajn rajtojn. Mi volas
telefonon.
Smith: Diru, S-ro Anderson, kiom bonas telefono, se
vi ne kapablas paroli?
Smith: Vi helpos nin, S-ro Anderson, cxu vole aux nevole.
Morfeo: Cxi tiu lineo observatas, do mi koncizu. Ili atingis vin la unuaj, sed
ili subtaksis vian gravecon. Se ili scius kion mi scias, vi versxajne jam estus
morta.
Neo: Pri kio vi parolas? Kio... kio okazas al mi?
Morfeo: Vi estas Tiu, Neo. Komprenu, dum vi pasigis
la lastajn jarojn sercxante min, mi pasigis mian tutan vivon sercxante vin.
Do, cxu vi ankoraux volas renkontigxi?
Neo: Jes.
Morfeo: Do iru al la Adams-Strata ponto.
Trinitato: Eniru.
Neo: Kio diable estas tio?
Trinitato: Gxi necesas, Neo. Por nia protekto.
Neo: De kio?
Trinitato: De vi.
Sxalto: Demetu vian cxemizon.
Neo: Kio?
Sxalto: Haltigu la auxton.
Sxalto: Auxskultu min, dolcxulo. Ni ne havas tempon por dudek demandoj. Cxi-momente
estas nur unu regulo. Aux nia aux nenia.
Neo: Bone.
Trinitato: Bonvolu, Neo, vi devas fidi min.
Neo: Kial?
Trinitato: Cxar vi jam estis tie, Neo. Vi konas tiun
straton. Vi scias ekzakte kie gxi finigxas. Kaj mi scias ke tie vi ne volas
esti.
Trinitato: Apoko, lumon.
Trinitato: Apogu la dorson. Levu vian cxemizon.
Neo: Kio estas tiu ajxo?
Trinitato: Mi pensas ke vi estas cimita.
Trinitato: Provu malstrecxigxi.
Trinitato: Eku. Eku.
Sxalto: Gxi movigxas.
Trinitato: Bonvolu, merdajxo vi.
Sxalto: Vi perdos gxin.
Trinitato: Ho ne! Klar.
Neo: Fekajxo! Cxi ajxo realas?!
Trinitato: Jen gxi. Bonvolu akcepti tiun konsilon:
estu sincera. Li scias pli multe ol vi povas imagi.
Morfeo: Finfine. Bonvenon, Neo. Kiel vi sendube jam
divenis, mi estas Morfeo.
Neo: Estas honoro renkonti vin.
Morfeo: Ne, estas honoro por mi. Bonvolu, venu. Sidigxu.
Morfeo: Mi imagas ke gxuste nun vi sentas vin iomete kiel Alico malsupren falanta
laux la kuniklo-nesto, cxu?
Neo: Tio direblas.
Morfeo: Mi povas legi gxin de viaj okuloj.
Morfeo: Vi havas la rigardon de iu, kiu akceptas kion
li vidas, cxar li kredas sin revekigxonta. Ironie tio ne estas tre malvera.
Cxu vi kredas je sorto, Neo?
Neo: Ne.
Morfeo: Kial ne?
Neo: Cxar mi ne sxatas la ideon, ke mi ne kontrolus
mian vivon.
Morfeo: Mi precize scias kion vi celas. Mi sxatus
diri al vi kial vi estas cxi tie. Vi estas cxi tie cxar vi scias ion. Kion vi
scias vi ne povas klarigi. Sed vi sentas gxin. Vi sentis gxin dum via tuta vivo,
ke io pri la mondo ne gxustas. Vi ne scias kio, sed gxi cxeestas. Kvazaux splito
en via menso freneziganta vin. Jen cxi tiu sento portis vin al mi. Cxu vi scias
pri kio mi parolas?
Neo: La Matrico?
Morfeo: Cxu vi volas scii kio gxi estas?
Morfeo: La Matrico estas cxie. Gxi cxirkauxas nin.
Ecx nun, en tiu cxi cxambro. Vi povas vidi gxin kiam vi rigardas el via fenestro
aux kiam vi sxaltas vian televidilon. Vi povas senti gxin kiam vi iras al la
laboro aux kiam vi iras al la pregxejo, kiam vi pagas viajn impostojn. Gxi estas
la mondo scenigita antaux viaj okuloj por kasxi la veron de vi.
Neo: Kiu vero?
Morfeo: Ke vi estas sklavo, Neo. Same kiel cxiuj aliaj
vi naskigxis en cxenoj, vi naskigxis en prizono, kiun vi povas nek flari, nek
palpi, nek tusxi. Estas prizono por via menso. Malfelicxe, ne eblas diri al
iu kio estas la Matrico. Cxiu devas vidi gxin mem.
Morfeo: Tio estas via lasta sxanco. Poste ne eblos
repasxi. Se vi prenas la bluan pilolon: la rakonto cxesas, vi vekigxas en via
lito kaj kredas je kio ajn vi kredemas. Se vi prenas la rugxan pilolon: vi restos
en Mirlando, kaj mi montros al vi kiom profundas la kunikla ternesto.
Morfeo: Memoru: Mi ofertas nur la veron. Neniom pli.
Morfeo: Sekvu min.
Morfeo: Apoko, cxu ni havas konekton?
Apoko: Preskaux.
Morfeo: La tempo cxiam estas kontraux ni.
Morfeo: Bonvolu sidigxi cxi tie.
Neo: Cxu vi faris cxion cxi?
Morfeo: La pilolo, kiun vi prenis, apartenas al retrova
programo. Gxia celo estas interrompi viajn skrib-legajn protokolsignalojn por
indiki vian lokon.
Neo: Kion signifas tio?
Cxifro: Tio signifas ke vi prefere uzu la sekurigan
zonon, Doroteo, cxar Kansas adiauxas.
Neo: Cxu vi?
Morfeo: Cxu vi iam havis songxon, kiu sxajnis tute reala al vi? Kaj se vi ne plu
povus revekigxi de tiu songxo? Kiel vi povus distingi inter la songxa mondo kaj
la reala mondo?
Neo: Tio ne povas esti.
Morfeo: Esti kio? Cxu reala?
Trinitato: Replikontas.
Morfeo: Apoko?
Apoko: Ankoraux nenio.
Neo: Malvarmegas. Malvarmegas!
Morfeo: Tanko, ni tuj bezonos signalon.
Trinitato: Mi vidas fibrilacion.
Morfeo: Apoko, la lokon.
Apoko: Trovado preskaux plenumita.
Trinitato: Lia koro haltigxontas.
Apoko: Fiksita. Mi kaptis lin.
Morfeo: Nun, Tanko, nun.
Morfeo: Bonvenon al la vera mondo.
Morfeo: Ni sukcesis, Trinitato. Ni trovis lin.
Trinitato: Mi esperas vin prava.
Morfeo: Mi ne bezonas esperi. Mi scias.
Neo: Cxu mi mortis?
Morfeo: Tute male.
Dozo: Li ankoraux bezonas multan tempon.
Neo: Kion vi faradas?
Morfeo: Viaj muskloj atrofiigxis. Ni retrejnas ilin.
Neo: Kial doloras miaj okuloj?
Morfeo: Vi neniam uzis ilin antauxe.
Morfeo: Ripozu, Neo. La respondoj alvenos.
Neo: Morfeo, kio okazis al mi? Kio estas tio cxi?
Morfeo: Pli ol "kio" gravas "kiam".
Neo: Kiam?
Morfeo: Vi kredas ke estas la jaro 1999, sed fakte estas versxajne 2199. Mi ne
povas diri al vi la ekzaktan jaron, cxar, sincere, ni ne scias gxin. Nenion mi
povus diri al vi por klarigi, Neo. Venu kun mi. Vidu mem.
Morfeo: Jen mia sxipo. La Nebuchadnezzar. Gxi estas sxvebanto. Jen la cxefa ferdeko.
Tio estas la kerno, de kie ni sendas nian piratan signalon kaj entrudas la Matricon.
La plimulton de mia teamo vi jam konas. Tiu estas Apoko, Sxalto kaj Cxifro.
Cxifro: Sal.
Morfeo: Jen kiujn vi ankoraux ne konas: Tanko kaj lia granda frato, Dozo.
Morfeo: La junulo malantaux vi estas Muso.
Morfeo: Vi do volis scii kio estas la Matrico, Neo?
Trinitato.
Morfeo: Provu malstrecxi vin.
Morfeo: Tio sxajnos iom freneza.
Morfeo: Jen la Konstrukto. Gxi estas nia sxarga programo. Ni povas sxargi cxion
ajn de vesto gxis ekipajxo, armiloj, trejnaj simuladoj, kion ajn ni bezonas.
Neo: Cxi-momente ni estas en komputila programo?
Morfeo: Cxu tio vere tiom malkredeblas? Via vesto
estas diversa. La sxtopilingoj en viaj brakoj kaj via kapo estas for. Via hararo
sxangxigxis. Vian nunan aperon ni nomas "resta mem-bildo". Gxi estas
la mensa projekcio de via digxita memo.
Neo: Cxi tio ne realas?
Morfeo: Kio estas "reala"? Kiel difini "reala"? Se temas pri
tio, kion oni povas senti, flari, gustumi kaj vidi, "reala" estas simple
elektraj signaloj interpretataj de la cerbo.
Morfeo: Jen la mondo, kiun vi konas. La mondo kia gxi estis fine de la 20-a jarcento.
Nun gxi ekzistas nur kiel parto de neuxro-interaktiva simulado, kiun ni nomas
la Matrico.
Morfeo: Vi vivadis en songxa mondo, Neo. Jen la mondo kia gxi estas hodiaux.
Morfeo: Bonvenon al "la dezerto de la realo".
Morfeo: Ni havas nur fragmentojn da informoj. Sed
kion ni scias certe estas ke iam komence de la 21-a jarcento la tuta homaro
kunigxis en entuziasma etoso. Ni festis nian propran genion kiam ni kreis la
AI-on.
Neo: AI. Vi celas artefaritan inteligenton.
Morfeo: Unikeca konscio, kiu naskis tutan rason da
masxinoj. Ni ne scias kiu atakis la unua, cxu ni aux ili. Sed ni scias ke estis
ni, kiuj malheligis la cxielon. Tiutempe ili dependis de suna energio, kaj oni
kredis ke ili ne povas transvivi sen energia fonto ricxa kiel la suno. De la
komenco de la homaro ni dependadis de masxinoj por transvivi. Ha, sxajnas ke
la sorto konas ironion.
Morfeo: La homa korpo produktas pli da bioelektro ol 120-volta baterio, kaj pli
ol 25000 BTU-ojn da korpa varmo. Kombinante ambaux, la masxinoj trovis por si
pli ol suficxe da energio por cxiam.
Morfeo: Ekzistas kamparo, Neo, senfina kamparo, kie
homoj ne plu naskigxas. Ni kulturatas.
Morfeo: Unue mi ne kredis gxin, sed mi mem vidis la
kamparon kaj vidis kiel ili likvigis la mortintojn por nutri la vivantojn intravene.
Kaj rigardante tion, frontante la puran, hororan precizecon mi ekkomprenis la
evidentecon de la vero.
Morfeo: Kio estas la Matrico? Kontrolo. La Matrico
estas komputile simulata songxa mondo, konstruita por kontroladi nin, cele de
fari el homoj tion.
Neo: Ne. Mi tion ne kredas. Ne eblas.
Morfeo: Mi ne asertis gxin facila, Neo. Mi nur diris ke gxi estas la vero.
Neo: Stop! Ellasu min! Ellasu min! Mi volas eliri!
Trinitato: Trankvilu, Neo. Trankvilu.
Neo: Prenu tiun ajxon el mi. Prenu tiun ajxon el mi!
Neo: Ne tusxu min! Ne proksimigxu! Mi ne kredas tion. Mi ne kredas tion. Mi ne
kredas tion.
Cxifro: Nun li eksplodos.
Morfeo: Spiru, Neo. Simple spiru.
Neo: Mi ne povas reiri, cxu?
Morfeo: Ne. Sed, se vi povus, cxu vi vere dezirus?
Morfeo: Mi sentas ke mi devas pardonpeti. Ni havas
regulon. Ni neniam liberigas menson, se gxi atingis certan agxon. Estas dangxere.
Malfacilas al la menso forlasi. Mi vidis tion antauxe, kaj mi bedauxras. Mi
faris kion mi faris, cxar mi devis. Kiam la Matrico konstruigxis la unuan fojon,
naskigxis viro en gxi, kiu havis la kapablon sxangxi kion ajn li volis por rekrei
la Matricon laux lia bontrovo. Estis li, kiu liberigis la unuajn de ni kaj instruis
al ni la veron. Dum la Matrico ekzistas, la homaro neniam estos libera. Post
lia morto la Oraklo profeciis lian revenon kaj ke lia veno anoncos la detruon
de la Matrico, finos la militon, portos liberecon al nia popolo. Tial estas
tiuj el ni, kiuj pasigas la tutan vivon por sercxi lin. Mi faris kion mi faris,
cxar mi kredas ke la sercxado finigxis. Ripozu iom. Vi bezonos forton.
Neo: Por kio?
Morfeo: Por via trejnado.
Tanko: Matenon. Cxu vi dormis? Vi dormos cxi-nokte. Mi garantias. Mi estas Tanko.
Mi estos via Lineisto.
Neo: Vi ne... vi ne havas--
Tanko: Sxtopilingojn? Nep. Mi kaj mia frato Dozo,
ni estas ambaux centprocente tute malnovmode hejmkreskigitaj homoj. Libere naskigxintaj,
cxi tie en la reala mondo. Veraj idoj de Ziono.
Neo: Ziono?
Tanko: Se la milito cxesus morgaux, en Ziono estus la festeno.
Neo: Cxu estas urbo?
Tanko: La lasta homa urbo. Restis nur tiu loko al ni.
Neo: Kie gxi estas?
Tanko: Profunde subtere, proksime al la kerno de la
Tero, kie estas ankoraux varme. Se vi vivos suficxe longe, vi ecx povos vidi
gxin. Ho ve! Mi diru al vi ke mi ekscitigxas vidi viajn kapablojn, cxu Morfeo
pravas kaj tiel plu. Ni ne parolu pri tio, sed, se vi estas, estos ege ekscita
tempo. Ni havos multon por fari. Ni devas klopodi.
Tanko: Do... unue ni komencu per tiuj instrukciaj programoj. Tio estas enuega
merdo. Komencu ni per io pli amuza. Kiel estus batala trejnado?
Neo: "Jujitsu"? Mi estas lernonta Jujitsu?
Neo: Fifekajxo.
Tanko: "Mi pensas ke bongustas al li." Cxu iom pli?
Neo: Damne, jes. Damne, jes.
Morfeo: Kiel li?
Tanko: Dek horoj sen pauxzo, li estas masxino.
Neo: Mi scipovas Kung Fu.
Morfeo: Montru al mi.
Morfeo: Jen trejna programo simila al la programita realo de la Matrico. Gxi havas
la samajn bazajn regulojn. Regulojn kiel gravito. Kion vi devas lerni estas ke
tiuj reguloj ne diferencas de tiuj de komputila sistemo. Kelkajn de ili vi povas
fleksi, aliajn rompi. Cxu klare?
Morfeo: Do batu min, se vi povas.
Morfeo: Bone! Adaptigxo. Improvizo. Sed via malforto ne estas via tekniko.
Muso: Morfeo batalas kontraux Neo.
Morfeo: Kiel mi venkis vin?
Neo: Vi, vi estas tro rapida.
Morfeo: Cxu vi kredas ke mia plia forteco aux rapideco iel rilatas miajn musklojn,
tie cxi?
Morfeo: Cxu vi pensas ke vi nun estas spiranta aeron?
Morfeo: Re!
Muso: Nekredeble, li rapidegas! Jen vidu tiun neuxro-kinetikecon, superaveragxa.
Morfeo: Kion vi atendas? Vi estas pli rapida. Ne pensu ke vi estas. Sciu gxin.
Morfeo: Bonvolu! Cxesu provadi kaj batu min!
Muso: Mi ne kredas tion.
Neo: Mi komprenas kion vi provas fari.
Morfeo: Mi provas liberigi vian menson, Neo. Sed mi nur povas montri al vi la
pordon. Estas vi, kiu devas trairi gxin.
Morfeo: Tanko, sxargu la saltan programon.
Morfeo: Lasu cxion, Neo. Timon, dubon kaj malkredon. Liberigu vian menson.
Neo: Uxaux.
Neo: O kej. Liberigi mian menson.
Muso: Kaj, se li sukcesos?
Tanko: Neniu iam sukcesis sian unuan salton.
Muso: Mi scias, sed se li sukcesos?
Apoko: Ne okazos.
Trinitato: Bonvolu.
Neo: Do bone. Ne problemas. Liberigi mian menson. Liberigi mian menson. Ne problemas.
Bone.
Muso: Kion signifas tio?
Sxalto: Ne signifas ion ajn.
Cxifro: Cxiu falas la unuan fojon. Cxu ne, Trinjo?
Neo: Mi pensis ke gxi ne realas.
Morfeo: Via menso realigas gxin.
Neo: Se oni mortas en la Matrico, cxu oni mortas cxi
tie?
Morfeo: La korpo ne povas vivi sen la menso.
Cxifro: Mi ne memoras ke iam vi al mi portis la mangxon. Li iel specialas, cxu
ne?
Trinitato: Cxu vi ekkredis nun?
Cxifro: Mi nur miradas. Se Morfeo tiom certas, kial li ankoraux ne portis lin
al la Oraklo?
Trinitato: Morfeo lin portos kiam li pretos.
Morfeo: La Matrico estas sistemo, Neo. Cxi sistemo
estas nia malamiko. Sed, kiam vi trovigxas ene kaj cxirkauxrigardas, kion vi
vidas? - komercistojn, instruistojn, advokatojn, meblistojn. Gxuste la mensajn
projekciojn de la homoj, kiujn ni provadas savi. Sed gxis tiam, ili restas parto
de la sistemo, kaj tial ili estas nia malamiko. Komprenu ke la plimulto de ili
ne pretas elkonektigxi. Kaj multaj el ili estas tiel inertaj, tiel senespere
dependantaj de la sistemo ke ili batalus por protekti gxin. Cxu vi auxskultis
min, Neo, aux cxu vi rigardis la virinon en la rugxa vesto?
Neo: Ne, mi ...
Morfeo: Rerigardu.
Morfeo: Haltigu.
Neo: Cxi tio ne estas la Matrico?
Morfeo: Ne. Gxi estas aldona trejna programo por instrui al vi tion cxi: Se vi
ne apartenas al ni, vi apartenas al ili.
Neo: Kio ili estas?
Morfeo: Sentumaj programoj. Ili povas en- kaj eliri
cxiun softvaron ligitan al ilia sistemo. Tio signifas ke cxiu, kiun ni ankoraux
ne elkonektis, estas potenciala Agento. Ene de la Matrico ili estas kaj cxiu
kaj neniu. Ni transvivis kasxigxante de ili kaj forkurante de ili. Sed ili gardas
la Matricon; ili sekurigas cxiujn pordojn kaj havas cxiujn sxlosilojn. Tio signifas
ke pli aux malpli baldaux iu devos ataki ilin.
Neo: Iu?
Morfeo: Mi estos sincera al vi, Neo. Senescepte cxiu,
kiu frontis kontraux ili, cxiu, kiu batalis Agenton, mortis. Sed kie ili malsukcesis,
vi sukcesos.
Neo: Kial?
Morfeo: Mi vidis Agenton bati tra betona muro. Oni elpafis tutajn kuglarojn je
ili, sed trafis nur aeron. Tamen iliaj forto kaj rapideco estas bazitaj sur mondo
konstruita laux reguloj. Tial ili neniam estos tiom fortaj kaj rapidaj kiel vi.
Neo: Kion vi provas diri al mi? Cxu ke mi povas eviti kuglojn?
Morfeo: Ne, Neo. Mi provas diri al vi ke, kiam vi
pretos, vi ne plu bezonos.
Dozo: Alvenas problemoj.
Morfeo: Cxu Ziono avertis nin?
Dozo: Ne, alia sxipo.
Dozo: Sepicxjo hastas.
Neo: Sepicxjo?
Trinitato: Gardisto. Mortiga masxino celanta nur unu
ajxon.
Dozo: Trovi kaj detrui.
Morfeo: Metu gxin jen tien.
Morfeo: La progreso, Tanko?
Tanko: Energio for. EMI sxargita kaj preta.
Neo: EMI?
Trinitato: Elektromagneta impulso. Malsxaltas cxion en sia efika zono. Gxi estas
la ununura armajxo, kiun ni havas kontraux la masxinoj.
Neo: Kie ni estas?
Trinitato: Ilia eksa reto por provizo kaj rubo.
Neo: La kanalaro.
Trinitato: Iam ekzistis urboj vastaj je centoj da mejloj. Nun tiu kanalaro estas
cxio, kio restis.
Morfeo: Silentu.
Cxifro: Ho! Neo! Vi timegigis min.
Neo: Pardonu.
Cxifro: Ne indas.
Neo: Cxu tio estas...?
Cxifro: Cxu la Matrico? Jes.
Neo: Cxu vi cxiam spektas gxin cxifrita?
Cxifro: Nu, devige. La bildo-komputiloj laboras por
la Konstrukta programo. Sed estas tro da informoj por malcxifri la Matricon.
Oni kutimigxas. Mi ne vidas cxifrajxon. Mi nur vidas blondulinon, brunulinon,
rugxulinon. He, cxu vi sxatus drinkajxon?
Neo: Certe.
Cxifro: Sciu, mi scias kion vi pensas. Cxar mi estas
pensanta la saman aferon. Fakte, mi pensadis gxin ekde mia alveno cxi tie. Kial,
ho kial mi ne prenis la bluan pilolon?
Cxifro: Bona merdo, cxu ne? Dozo preparas gxin. Gxi
utilas por du aferoj: Purigi motorojn kaj mortigi cerbajn cxelojn. Do, cxu mi
rajtas demandi ion al vi? Cxu li diris al vi sian motivon? Kial vi estas cxi
tie? Dio. Kia cerbo-tasko. Do vi estas cxi tie por savi la mondon. Kion oni
diras pri tiajxo? Eta konsilo. Se vi vidas Agenton, faru kiel ni: Kuru. Forkuregu.
Neo: Dankon pro la drinkajxo.
Cxifro: Songxu dolcxe.
Smith: Cxu ni havas interkonsenton, S-ro Reagan?
Cxifro: Sciu, mi scias ke tiu viando ne ekzistas.
Mi scias ke, kiam mi enbusxigas gxin, la Matrico rakontas al mia cerbo ke gxi
sukoplenas kaj delikatas. Post naux jaroj, cxu vi scias kion mi ekkomprenis?
Nescio estas beno.
Smith: Do ni havas interkonsenton.
Cxifro: Mi ne volas memori ion ajn. Nenion. Cxu vi
komprenas? Kaj mi volas esti ricxa. Nu, iu gravulo. Eble aktoro.
Smith: Kion ajn vi deziras, S-ro Reagan.
Cxifro: O kej. Se vi reportas mian korpon en vian
energian centralon, reenigas min en la Matricon, mi donas al vi kion vi volas.
Smith: Aliraj kodoj por la cxefkomputilo de Ziono.
Cxifro: Ne. Mi diris al vi ke mi ne konas ilin. Mi
povas doni al vi tiun, kiu konas ilin.
Smith: Morfeon.
Tanko: Jen por vi, amiko. Matenmangxo por cxampionuloj.
Muso: Se oni fermas siajn okulojn, estas kiel mangxi likvan ovajxon.
Apoko: Aux pelvon da nazmuko.
Muso: Cxu vi scias pri kio gxi memorigas min? Gxu-Cerealoj.
Cxu vi iam mangxis Gxu-Cerealojn?
Sxalto: Ne, kaj lauxteorie nek vi.
Muso: Jen kion mi celas. Jen. Cxar demandindas cxu
la masxinoj vere scias kiel gustis Gxu-Cerealoj? Eble ili fusxis gxin. Eble
kion mi pensas la gusto de Gxu-Cerealoj fakte gustis kiel avenflokoj aux tunuso.
Tio cerbumigas pri multo. Ekzemple pri kokajxo. Eble ili ne povis trovi la guston
de kokajxo, kaj tial kokajxo gustas je cxio ajn. Kaj eble ili--
Apoko: Cxesu, Muso.
Dozo: Estas unucxela proteino kombine kun sintezaj aminoacidoj, vitaminoj kaj
mineraloj. Cxio, kion la korpo bezonas.
Muso: Gxi ne havas cxion, kion la korpo bezonas. Do vi pasis tra la Agenta trejna
programo, cxu? Sciu, mi skribis la programon.
Apoko: Jen gxi.
Muso: Do kion vi pensas pri sxi?
Neo: Pri kiu?
Muso: La virino en la rugxa vesto. Mi verkis sxin.
Sxi ne parolas tre multe, sed, se vi volas renkonti sxin, mi povas arangxi pli
intiman cxirkauxajxon.
Sxalto: La diligenta digxita prostituisto.
Muso: Ne atentu tiujn hipokritulojn, Neo. Neglekti niajn proprajn impulsojn estas
neglekti tion cxi, kio igas nin homoj.
Morfeo: Dozo, kiam vi finos, portu la sxipon supren al senda profundeco. Ni eniras.
Mi portos Neon por vidi sxin.
Neo: Vidi kiun?
Tanko: La Oraklon.
Tanko: Homoj, bonvolu respekti ke la signaloj "surmetu la zonon" kaj
"ne fumu" sxaltigxis. Apogu vin kaj gxuu la flugon.
Morfeo: Ni enigxis.
Morfeo: Ni revenos post unu horo.
Morfeo: Nekredeble, cxu ne?
Neo: Dio!
Trinitato: Kio?
Neo: Mi mangxadis tie. Bonegaj nudeloj. Mi havas tiujn memorojn pri mia vivo.
Neniu okazis. Kion signifas tio?
Trinitato: Ke la Matrico ne povas diri al vi kiu vi estas.
Neo: Sed iu oraklo povas?
Trinitato: Tio diversas.
Neo: Cxu vi estis cxe sxi?
Trinitato: Jes.
Neo: Kion sxi diris al vi?
Trinitato: Sxi diris al mi...
Neo: Kion?
Morfeo: Jen ni. Neo, venu kun mi.
Neo: Do estas la sama oraklo, kiu faris la Profecion?
Morfeo: Jes. Sxi estas tre maljuna. Sxi estas kun ni de la komenco.
Neo: La komenco?
Morfeo: De la Rezistado.
Neo: Kaj kion sxi scias? Cxu cxion?
Morfeo: Sxi dirus ke sxi scias suficxe.
Neo: Kaj sxi neniam eraras.
Morfeo: Provu ne pensi laux gxusto kaj malgxusto. Sxi estas gvidanto, Neo. Sxi
povas helpi al vi trovi la vojon.
Neo: Cxu sxi helpis al vi?
Morfeo: Jes.
Neo: Kion sxi diris al vi?
Morfeo: Ke mi trovos Tiun.
Morfeo: Mi diris al vi ke mi povas nur montri al vi
la pordon. Devas vi trairi gxin.
Virino: Saluton, Neo. Vi akuratas.
Virino: Sentu vin hejme, Morfeo. Neo, venu kun mi.
Virino: Tiuj estas la aliaj Potenciuloj. Vi povas atendi cxi tie.
Infano: Ne klopodu fleksi la kuleron. Tio ne eblas. Anstatauxe, nur provu vidi
la veron.
Neo: Kiun veron?
Infano: La kulero ne cxeestas.
Neo: La kulero ne cxeestas.
Infano: Kaj vi vidos ke ne la kulero fleksigxas. Estas nur vi.
Virino: La Oraklo nun akceptos vin.
Oraklo: Mi scias, vi estas Neo. Mi tuj pretos.
Neo: Cxu vi estas la Oraklo?
Oraklo: Bingo.
Oraklo: Ne tute kion vi atendis, cxu?
Oraklo: Preskaux pretaj. Odoras bone, cxu ne?
Neo: Jes.
Oraklo: Mi proponus al vi sidigxi, sed vi cxiukaze ne farus. Kaj ne zorgu pri
la vazo.
Neo: Kiu vazo?
Oraklo: Tiu vazo.
Neo: Mi bedauxras.
Oraklo: Mi diris, ne zorgu. Unu el miaj infanoj riparos gxin.
Neo: Kiel vi jam sciis?
Oraklo: Ho, kio poste vere tormentos vin estas cxu
vi tamen rompus gxin se mi nenion dirus?
Oraklo: Vi estas pli dolcxa ol mi pensis. Mi povas vidi kial sxi sxatas vin.
Neo: Kiu?
Oraklo: Ne tro sprita, tamen.
Oraklo: Vi scias kial Morfeo vin portis al mi?
Oraklo: Do, kion vi pensas? Cxu vi pensas ke vi estas
Tiu?
Neo: Sincere, mi ne scias.
Oraklo: Cxu vi scias, kion tio signifas? Estas Latine.
Gxi signifas "Konu vin mem." Mi malkasxos al vi etan sekreton. Esti
Tiu estas tute kiel esti enamigxinta. Neniu povas diri ke vi enamigxis. Vi simple
scias tion, tute kaj komplete. De ene eksteren.
Oraklo: Nu, mi ekzamenu vin. Malfermu la busxon. Diru
"Ah."
Neo: Ah.
Oraklo: Bone, nun mi supozeble diru, "Hm, tio interesas, sed..." Kaj
vi diras...
Neo: Sed kio?
Oraklo: Sed vi jam scias kion mi diros al vi.
Neo: Mi ne estas Tiu.
Oraklo: Mi bedauxras, knabo. Vi havas la talenton, sed sxajne vi atendas ion.
Neo: Kion?
Oraklo: Eble vian sekvan vivon. Kiu scias?
Oraklo: Tiel estas la vivo.
Oraklo: Kio ridigas?
Neo: Morfeo. Li, li preskaux konvinkis min.
Oraklo: Mi scias. Povra Morfeo. Sen li, ni estos perdotaj.
Neo: Kion vi celas, "sen li"?
Oraklo: Cxu vi certas ke vi volas auxdi tion?
Oraklo: Morfeo kredas je vi, Neo. Kaj neniu, nek vi, nek mi ecx povas konvinki
lin pri la malo. Li kredas gxin tiel blinde ke li oferos sian vivon por savi vian.
Neo: Kio?
Oraklo: Vi devos elekti. Unuflanke estas la vivo de Morfeo. Aliflanke estas via
propra. Iu el vi mortos. Kiu, tio dependos de vi. Mi bedauxras, knabeto, vere
bedauxras. Vi havas bonan spiriton. Kaj mi malamas doni al bonuloj malbonajn novajxojn.
Ho, ne tristu pri gxi. Tuj post ke vi trairis tiun prodon vi komencos farti pli
bone. Vi rememoros, vi ne kredas je tiuj fatajxoj. Vi kontrolas vian vivon mem.
Cxu ne? Jen, prenu kekson. Mi promesas, post ke vi mangxis gxin, vi sentos vin
sanega.
Morfeo: Kio estas dirita, estis por vi, kaj por vi sole.
Tanko: Ili estas survoje.
Tanko: Kio estas?
Neo: Ho, dejxavuo.
Trinitato: Kion vi jxus diris?
Neo: Nenion. Mi nur havis etan dejxavuon.
Trinitato: Kion vi vidis?
Cxifro: Kio okazis?
Neo: Nigra kato pasis preter ni, kaj poste alia, tute simila al gxi.
Trinitato: Kiom simila? Cxu estis la sama kato?
Neo: Eble, mi ne certas.
Morfeo: Sxalto, Apoko.
Neo: Kion signifas?
Trinitato: Dejxavuo kutime estas paneeto en la Matrico. Tio okazas kiam ili ion
sxangxas.
Tanko: Ho, Dio.
Morfeo: Ek.
Tanko: Ili trancxis la cxeflineon. Estas embrusko! Eligxu!
Muso: Ho, ne.
Tanko: Ho, ne.
Cxifro: Ho, jen kion ili sxangxis. Ni estas kaptitaj. Ne eblas eliri.
Morfeo: Trankvilu. Donu vian telefonon.
Trinitato: Ili povos retrolauxi gxin.
Morfeo: Ni ne havas alternativon.
Tanko: Lineisto.
Morfeo: Tanko, trovu la strukturan planon de tiu cxi
konstruajxo. Trovu rapide.
Tanko: Jen gxi!
Morfeo: Mi bezonas la cxefajn duktojn.
Smith: Oka etagxo. Ili estas cxe la oka etagxo.
Morfeo: Sxalto, rekte antauxen.
Apoko: Neo. Mi esperas ke la Oraklo diris al vi bonajn novajxojn.
Tanko: Nun maldekstren. Jen gxi.
Morfeo: Bone.
Brown: Kie estas ili?
Morfeo: Sxsx!
Policano: Ili estas en la muroj. En la muroj!
Cxifro: Estas Agento!
Trinitato: Morfeo!
Morfeo: Trinitato, vi devas elporti Neon! Nur li gravas!
Neo: Ne! Ne, Morfeo! Ne!
Morfeo: Trinitato, for!
Trinitato: Ek!
Neo: Ni ne povas forlasi lin!
Trinitato: Ni devas!
Trinitato: Cxifro, venu!
Smith: La granda Morfeo. Finfine ni renkontigxas.
Morfeo: Kaj vi estas?
Smith: Smith. Agento Smith.
Morfeo: Vi cxiuj aspektas same al mi.
Smith: Arestu lin.
Tanko: Ne!
Tanko: Lineisto.
Cxifro: Jes, mi bezonas elirejon, rapide.
Tanko: Cxifro?
Cxifro: Jes. Okazis akcidento. Fidamna auxta akcidento. Subite, bum. Iu tie supre
ankoraux sxatas min.
Tanko: Mi havas vin.
Cxifro: Tuj elportu min de cxi tie, rapide.
Tanko: Plej proksima elirejo, Franklin kaj Erie. Eksa televid-riparejo.
Cxifro: Komprenis.
Tanko: Lineisto.
Trinitato: Tanko, estas mi.
Neo: Cxu Morfeo estas viva?
Trinitato: Cxu Morfeo estas viva, Tanko?
Tanko: Jes. Ili transmovas lin. Mi ankoraux ne scias kien.
Trinitato: Li vivas.
Trinitato: Ni bezonas elirejon.
Tanko: Vi proksimas al Cxifro.
Trinitato: Cxifro?
Tanko: Mi scias. Mi sendis lin al Franklin kaj Erie.
Trinitato: Komprenis.
Cxifro: Kie ili estas?
Tanko: Telefonontaj.
Cxifro: Bone.
Trinitato: Unue vi, Neo.
Cxifro: Fek'.
Dozo: Tanko. Ne!
Neo: Mi ne scias. Gxi jxus silentigxis.
Cxifro: Saluton, Trinitato.
Trinitato: Cxifro? Kie estas Tanko?
Cxifro: Vi sciu, por longa tempo mi pensis ke mi estas
amanta vin. Mi songxadis pri vi. Vi estas bela virino, Trinitato. Bedauxrinde
cxio farigxis tiel cxi.
Trinitato: Vi murdis ilin.
Apoko: Kio?
Sxalto: Ho, Dio.
Cxifro: Mi lacas, Trinitato. Mi lacas tiun militon, lacas bataladi. Mi lacas tiun
sxipon, frosti, mangxi la saman fidamnan kacxacxon cxiun tagon. Sed plej mi lacas
tiun memmelkiston kaj cxiun lian fekajxon.
Cxifro: Surpizo, fiulo! Mi vetus ke vi tion cxi ne anticipis, cxu? Dio, mi sxatus
esti tie kiam ili rompas vin. Mi sxatus eniri gxuste kiam tio okazas, por ke cxi
tiam vi sciu ke estis mi.
Trinitato: Vi donis al ili Morfeon.
Cxifro: Li mensogis al ni, Trinitato. Li trompis nin.
Cxifro: Se vi tiam rakontus al ni la veron, ni rekomendus al vi sxovi tiun rugxan
pilolon en vian pugon!
Trinitato: Tio ne veras, Cxifro. Li liberigis nin.
Cxifro: "Libera." Jen kion vi nomas libera? Mi cxiam lauxis kion li
diris al mi. Se mi devas decidi inter tio kaj la Matrico, mi elektas la Matricon.
Trinitato: La Matrico ne realas.
Cxifro: Mi malkonsentas, Trinitato. Mi pensas ke la
Matrico povas esti pli reala ol tiu cxi mondo. Cxi tie mi nur eltiras la sxtopilon.
Sed tie vi devas vidi Apokon morti.
Apoko: Trinitato.
Sxalto: Ne!
Cxifro: Bonvenon al la reala mondo, kara.
Trinitato: Sed vi eligxis, Cxifro. Vi ne povas reiri.
Cxifro: Ho, ne, tion vi pensas. Ili reenigos mian korpon. Mi iras dormi. Kaj kiam
mi vekigxos, mi ne memoros ion fi ajn. Cetere, se vi havas ion gravegan por diri
al Sxalto, mi sugestas diri gxin tuj.
Trinitato: Ne, bonvolu ne.
Sxalto: Ne tiel. Ne tiel.
Cxifro: Tro malfrue.
Trinitato: Dio damnu vin, Cxifro!
Cxifro: Ne koleru min, Trinitato. Mi nur estas heroldo.
Kaj tuj mi pruvos gxin al vi. Se Morfeo pravus, neniel eblus eltiri tiun cxi
sxtopilon. Mi celas, se Neo estas Tiu, devas okazi ia miraklo por haltigi min.
Cxu gxuste? Mi celas, kiel li povas esti Tiu, se li estas morta? Vi neniam respondis
al mi antauxe cxu vi vere kapjesis la fekajxon de Morfeo. Bonvolu. Mi nur volas
etan "jes" aux "ne".
Trinitato: Jes.
Cxifro: Ne! Mi ne kredas tion!
Tanko: Kredu aux ne, peco da fekajxo, vi cxiukaze brulos.
Neo: Unue vi.
Trinitato: Vi estas lezita.
Tanko: Mi rebonfartos.
Trinitato: Dozo?
Smith: Cxu vi iam staradis kaj gapadis gxin? Admiris
gxian belon, gxian genion? Miliardoj da homoj simple vivadas sian vivon. Sensciaj.
Cxu vi sciis ke la unua Matrico estis formita por esti perfekta homa mondo,
en kiu neniu suferu, kie cxiu estu felicxa? Gxi estis fiasko. Neniu akceptis
la programon. Tutaj rakoltoj perdigxis. Kelkaj kredas ke ni ne disponas la programan
lingvon por priskribi vian perfektan mondon, sed mi kredas ke la homoj kiel
raso difinas sian realon laux mizero kaj sufero. Do la perfekta mondo estis
songxo de kiu via primitiva cerebro provadis revekigxi. Tial la Matrico reformigxis
al tio. La pinto de via civilizo. Mi diras "via civilizo", cxar, kiam
ni komencis pensi anstataux vi, gxi farigxis nia civilizo, kio, kompreneble,
estas la kauxzo por cxio cxi. Evoluo, Morfeo. Evoluo. Kiel la dinosauxroj. Rigardu
el tiu fenestro. Vi havis vian tempon. La futuro estas nia mondo, Morfeo. La
futuro estas nia tempo.
Jones: Povus esti problemo.
Neo: Kion ili faras al li?
Tanko: Ili enrompas en sian menson. Same kiel en komputilon. Dependas nur de la
tempo.
Neo: Kiom da tempo?
Tanko: Dependas laux la menso. Sed kiam okazas, gxi rompigxas kaj liaj alfa-skemoj
sxangxigxos de tio al tio. Kaj tiam Morfeo diros cxion, kion ili volas scii.
Neo: Kion ili volas?
Tanko: Cxiu sxipestro havas la kodojn por la cxefkomputilo
de Ziono. Se Agento invadas la cxefkomputilon de Ziono, ili povas detrui nin.
Tion ni ne povas permesi. Trinitato, Ziono estas pli grava ol mi, aux ol vi,
aux ecx ol Morfeo.
Neo: Sed devas esti io farebla.
Tanko: Estas. Ni eltiras la sxtopilon.
Trinitato: Vi mortigos lin? Mortigi Morfeon?
Tanko: Ni ne havas alternativon.
Smith: Neniam komisiu homon por fari masxinan taskon.
Brown: Se vere la spiono malsukcesis, ili tuj maligos
la konekton, se ili...
Jones: ...ne mortis. Cxiukaze...
Smith: ...ni ne havas alternativon krom dauxrigi kiel planitas. Sendu la Gardistojn.
Tuj.
Tanko: Morfeo, vi estis pli ol gvidanto por ni. Vi estis patro. Vi cxiam mankos
al ni.
Neo: Stop! Mi ne kredas ke tio okazas.
Tanko: Neo, tio farendas.
Neo: Cxu vere? Mi ne scias, mi... Tio ne povas esti simpla koincido, ne povas
esti.
Tanko: Pri kio vi parolas?
Neo: La Oraklo. Sxi diris al mi ke tio okazos. Sxi
diris al mi ke mi devos elekti.
Trinitato: Kion elekti?
Trinitato: Ki... kion vi faras?
Neo: Mi eniras.
Trinitato: Ne, vi ne faros tion.
Neo: Mi devas.
Trinitato: Neo, Morfeo oferis sin por ke ni povu elirigi vin. Nenial vi reeniros.
Neo: Morfeo faris kion li faris, cxar li kredis ke mi estas io, kio mi ne estas.
Trinitato: Kio?
Neo: Mi ne estas Tiu, Trinitato.
Neo: Ankaux la Oraklo diris tion al mi.
Trinitato: Ne, vi devas esti.
Neo: Mi bedauxras, mi ne estas. Mi simple estas iu ajn.
Trinitato: Ne, Neo, tio ne veras. Ne povas esti vera.
Neo: Kial?
Tanko: Neo, tio estas frenezajxo. Ili havas Morfeon en armee kontrolita konstruajxo.
Ecx se vi sukcesus eniri, estas Agentoj tenantaj lin. Tri da ili. Ankaux mi volas
rehavi Morfeon, sed tio, pri kio vi parolas, estas suicido.
Neo: Mi scias ke sxajnas tiel, sed ne estas. Mi ne povas klarigi al vi kial ne
estas. Morfeo kredas ion, kaj li estis preta oferi sian vivon por kion li kredis.
Mi nun komprenas tion. Tial mi devas iri.
Tanko: Kial?
Neo: Cxar mi kredas ion.
Trinitato: Kion?
Neo: Mi kredas ke mi povas reporti lin.
Neo: Kion vi faras?
Trinitato: Akompani vin.
Neo: Vi ne faros.
Trinitato: Cxu "ne"? Mi diru al vi kion
mi kredas. Mi kredas ke Morfeo estas pli grava por mi ol por vi. Mi kredas ke,
se vi vere volas savi lin, vi bezonos mian helpon. Kaj, cxar mi estas la plej
altranga oficiro de la sxipo, se vi ne sxatas gxin, mi kredas ke vi povas iri
al la diablo. Cxar vi nenien iros anstatauxe. Tanko, sxargu nin.
Smith: Mi sxatus dividi rivelajxon, kiun mi ekhavis
dum mia estado cxi tie. Gxi okazis kiam mi provis enklasigi vian specion. Mi
komprenis ke vi fakte ne estas mamuloj. Cxiu mamulo sur tiu planedo lauxinstinkte
evoluigas naturan ekvilibron kun sia cxirkauxajxo, sed vi homoj, ne. Vi movigxas
al regiono kaj multigxas kaj multigxas gxis cxiu natura fonto elcxerpigxis.
La ununura solvo por transvivi estas disvastigxi al alia regiono. Ekzistas alia
organismo sur tiu planedo, kiu lauxas la saman skemon. Cxu vi scias kiu? La
viruso. Homoj estas malsano. La kancero de tiu cxi planedo. Vi estas plago.
Kaj ni estas la kuracilo.
Tanko: Do bone, kion vi bezonas, krom miraklon?
Neo: Pafilojn. Multajn Pafilojn.
Trinitato: Neo, neniu iam faris tiajxon.
Neo: Tial funkcios.
Smith: Kial la serumo ne funkcias?
Brown: Eble ni demandadas maltauxgajn demandojn.
Smith: Lasu min sola kun li. Nun.
Tanko: Eltenu, Morfeo. Ili estas venantaj por vi. Ili venas.
Smith: Cxu vi auxdas min, Morfeo? Mi estos sincera
al vi. Mi malamas tiun lokon, tiun zoon, tiun prizonon, tiun realon, kiel ajn
oni emas nomi gxin. Mi ne plu eltenas gxin. Precipe la odoron. Se ekzistas tio.
Mi estas satigita de gxi. Mi gustumas vian mefiton. Kaj cxiun fojon mi timas
esti infektita de gxi. Abomeninde. Cxu ne? Mi devas foriri de cxi tie. Mi devas
liberigxi. Kaj en tiu cxi menso estas la sxlosilo. Mia sxlosilo. Post la detruigxo
de Ziono mi ne plu devos esti cxi tie. Cxu vi komprenas? Mi bezonas la kodojn.
Mi devas eniri Zionon, kaj vi devas diri al mi kiel. Vi diros al mi kiel, aux
vi mortos.
Policano: Bonvolu demeti cxiujn metalajxojn. Sxlosilojn,
monerojn... Fifekajxo.
Alia Policano: Help! Sendu helpon.
Soldato: Halt!
(Lifto: Ne uzu lifton kaze de fajro.)
Brown: Kion vi faris?
Jones: Li ne povis ekscii.
Smith: Kion ekscii?
Jones: Mi pensas ke ili provas savi lin.
Neo: La kulero ne cxeestas.
Smith: Trovu ilin kaj detruu ilin.
Helikopteristo: Mi ripetas. Ni estas atakataj.
Neo: Trinitato! Help!
Jones: Nur homo.
Trinitato: Evitu nun.
Trinitato: Kiel vi faris tion?
Neo: Kion?
Trinitato: Vi movigxis kiel ili. Mi neniam vidis iun movigxi tiel rapide.
Neo: Sxajne ne suficxe rapide.
Neo: Cxu vi scipovas piloti tion?
Trinitato: Ankoraux ne.
Tanko: Lineisto.
Trinitato: Tanko, mi bezonas pilotan programon por
helikoptero B-212. Rapide.
Trinitato: Ek.
Smith: Ne.
Neo: Morfeo, starigxu. Starigxu, starigxu.
Neo: Li ne sukcesos.
Neo: Jen vi.
Neo: Trinitato!
Tanko: Mi sciis. Li estas Tiu.
Morfeo: Cxu vi kredas nun, Trinitato?
Neo: Morfeo, la Oraklo. Sxi rakontis al mi ke mi--
Morfeo: Sxi diris al vi gxuste tion, kion vi bezonis
auxdi. Jen cxio. Neo, pli aux malpli baldaux vi komprenos, kiel ankaux mi, ke
estas diferenco inter koni la vojon kaj lauxpasxi la vojon.
Tanko: Lineisto.
Morfeo: Tanko.
Tanko: Kiom bonas auxdi vian vocxon, Sinjor'.
Morfeo: Ni bezonas eliron.
Tanko: Mi jam pretigis. Metrostacio, State kaj Balboa.
Smith: Damne!
Brown: La trovo plenumigxis.
Jones: Ni havas ilian pozicion.
Brown: La Gardistoj pretas.
Jones: Ordonu la atakon.
Smith: Ankoraux ili ne eliris.
Neo: Unue vi, Morfeo.
Trinitato: Neo, mi volas diri al vi ion, sed mi timas la konsekvencon. Cxio, kion
diris la Oraklo al mi, okazis. Cxio krom tio.
Neo: Krom kio?
Trinitato: Neo...
Tanko: Kio diable jxus okazis?
Trinitato: Agento. Resendu min.
Tanko: Mi ne povas.
Smith: S-ro Anderson.
Trinitato: Kuru, Neo. Kuru.
Trinitato: Kion li estas faranta?
Morfeo: Li komencas kredi.
Smith: Via malplenas.
Neo: Kiel via.
Smith: Mi gxuos rigardi vian morton, S-ro Anderson.
Trinitato: Dio, li mortigas lin.
Smith: Cxu vi auxdas tion, S-ro Anderson? Tio estas la sono de la neeviteblo.
Tio estas la sono de via morto. Adiaux, S-ro Anderson.
Neo: Mia nomo... estas Neo.
Trinitato: Kio okazis?
Tanko: Mi ne scias. Mi perdis lin.
Tanko: Ho, damne.
Trinitato: Gardistoj.
Trinitato: Kiom restas?
Morfeo: Kvin, eble ses minutoj.
Morfeo: Tanko, sxargu la EMI-on.
Trinitato: Ni ne povas uzi gxin gxis li eligxis.
Morfeo: Mi scias, Trinitato. Ne zorgu. Li sukcesos.
Viro: Cxu kun kalkanumo aux el sxtofo? Ne, simple--
Kio fi? Tio estas mia telefono! Li prenis mian telefonon!
Tanko: Mi havas lin! Li estas kuranta.
Neo: Sinjoro Majstro, tuj sorcxu min for de cxi tie!
Tanko: Mi trovis malnovan elirejon. Wabash kaj Lake.
Neo: Ho, fek'.
Neo: Help. Mi bezonas iom da helpo.
Tanko: La pordo.
Tanko: La pordo maldekstre. Ne, la alia.
Tanko: La malantauxa pordo.
Trinitato: Ho, ne.
Morfeo: Jen ili venas.
Morfeo: Li sukcesos.
Tanko: La dangxer-elirejo cxe la fino de la aleo, cxambro 303.
Tanko: Ili envenis.
Trinitato: Rapidu, Neo.
Morfeo: Tio ne povas esti.
Smith: Kontrolu lin.
Brown: Li finigxis.
Smith: Adiaux, S-ro Anderson.
Trinitato: Neo, mi ne plu timas. La Oraklo diris al
mi ke mi enamigxos, kaj ke tiu viro, la viro, kiun mi amas, estas Tiu. Do vi
vidas, vi ne povas esti morta. Vi ne povas, cxar mi amas vin. Cxu vi auxdas
min? Mi amas vin.
Trinitato: Kaj nun, starigxu.
Neo: Ne.
Tanko: Kiel?
Morfeo: Li estas Tiu.
Trinitato: Neo!
Trinitato: Ne!
Neo: Mi scias ke vi cxeestas malproksime. Mi povas
nun senti vin. Mi scias ke vi timas. Vi timas nin. Vi timas sxangxojn. Mi ne
konas la futuron. Mi ne venis cxi tien por rakonti al vi kiel cxio cxi finigxos.
Mi venis cxi tien por diri al vi kiel cxio komencigxos. Mi pendigos la auxskultilon.
Kaj poste mi montros al tiuj homoj kion vi ne sxatus ke ili vidu. Mi montros
al ili mondon sen vi. Mondon sen reguloj kaj kontroloj, sen finoj aux limoj.
Mondon, en kiu cxio ajn estas farebla. Kien ni iros poste estas decido, kiun
mi lasas al vi.
